Osasun sailak gaur eguneratu ditu COVID-19an positibo eman dutenen datuak eta eskualdean azken astean 70 positibo egon dira. Araba, Bizkai eta Gipuzkoan 1.474 izan dira, eta intzidentzia metatuaren tasak gora egin du azken 14 egunekoa 109,24an kokatuz. Gipuzkoako tasa 124,37koa da. Ospitaleetan 90 pertsona daude egun COVID-19arekin eta 24 ZIUn. Hamar dira azken astean hil diren herritarrak.
ESIei dagokienez, Tolosaldekoa horian dago (158), eta eskualdeka horian daude ere Villabonakoa (237), Alegiakoa (163), Ibarrakoa (204) eta Tolosakoa (144).