Gipuzkoako intzidentzia metatuaren tasak nabarmen egin du gora azken asteetan, eta 93,14an dago. Eskualdean urriaren 18tik atzora bitarte 33 positibo atzeman dituzte; 7 Tolosan, 6 Iruran, launa Amasa-Villabonan eta Anoetan, 3 Hernialden, bina Alegia eta Zizurkilen, eta bana Altzo, Amezketa Berrobi, Elduain eta Orendainen.
Osasun sailak gaur eguneratu ditu COVID-19an positibo eman dutenen datuak eta eskualdean azken astean 33 positibo egon dira. Araba, Bizkai eta Gipuzkoan 927 egon dira eta intzidentzia metatuaren tasak gora egin du 76,10ean kokatuz. Gipuzkoako tasa altuagoa da eta 93,14koa dela esan du. Ospitaleetan 81 pertsona daude egun COVID-19arekin eta 24 ZIUn. Hamabost dira azken astean hil diren herritarrak.
ESIei dagokienez, Tolosaldekoa horian dago (106,41), eta eskualdeka horian daude ere Villabonakoa (200,39) eta Alegiakoa (223,38). Tolosa (57,64) eta Ibarra (25,51) berdean daude.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
