Zizurkil eta Villabona arteko oinezko zubian egingo dute elkarretaratzea 19:00etan, 'Eraso sexistarik ez! Autodefentsa feminista!' goiburupean.
Azkeneko indarkeria matxista kasua salatzeko elkarretaratzea egingo du Lurgatz talde feministak gaur arratsaldean. Zizurkil eta Villabona arteko oinezko zubian izango da 19:00etan.
Indarkeria matxistaren azken biktima da 37 urteko emakume gasteiztarra: bikotekideak erail zuen herenegun, Gasteizko Sansomendi auzoko beren etxebizitzan, haien bi semeak bertan zirela; bere buruaz beste egin zuen gizonak gero.
Eraso sexistarik ez! Autodefentsa feminista! leloa eramango du elkarretaratzeak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!