Etxeratek jakinarazi duenez, Espainiako Espetxe Erakundeek zazpi preso lekualdatu dituzte azken egunetan. Andoni Goikoetxea Gabirondo gazteluarra El Duesotik (Espainia, 170 kilometro) Martuteneko espetxera lekualdatu dute eta Manex Castro billabonatarra, berriz, Darocakotik El Duesora.
Unai Bilbao Solaetxe, Ibai Beobide Arza, Igor Portu Juanena eta Joanes Larretxea Mendiola dira Euskal Herriratu dituzten gainerako presoak. Eta Mikel Azurmendi Peñagarikano Zuerako espetxetik El Duesora hurbildu dute.