Osasun Sailak emandako datuen arabera 5.683 test diagnostiko egin zituzten atzo, eta horietatik, 88 (%1,5) positiboak izan ziren. Gipuzkoan, 30 atzeman zituzten, tartean, bat Tolosaldean, Berastegin, hain justu.
5.000 biztanle baino gehiago dituzten Tolosaldeko herrien kasuan, Amasa-Villabona (101) eta Tolosa (170) kolore horiz daude. Osasun eremuei begiratuta, Alegiakoa (119), Ibarrakoa (114), Tolosakoa (158) eta Villabonakoa (100) kolore horian daude, baita Tolosaldeko ESIa (118) ere.
Ospitaleen egoerari dagokionez, 10 pertsona ospitaleratu zituzten atzo, denera 40 pertsona daude ospitaleetan, eta COVIDa duten 31 pertsona ZIUn daude.