Osasun Sailak emandako datuen arabera 5.922 test diagnostiko egin zituzten atzo, eta horietatik, 99 (%1,7) positiboak izan ziren. Gipuzkoan, 39 atzeman zituzten, tartean, bost Tolosaldean: Tolosan lau eta Zizurkilen bat.
5.000 biztanle baino gehiago dituzten Tolosaldeko herrien kasuan, Amasa-Villabona (101) eta Tolosa (170) kolore horiz daude. Osasun eremuei begiratuta, Alegiakoa (119), Ibarrakoa (102), Tolosakoa (158) eta Villabonakoa (106) kolore horian daude, baita Tolosaldeko ESIa (118) ere.
Ospitaleen egoerari dagokionez, 9 pertsona ospitaleratu zituzten atzo, denera 47 pertsona daude ospitaleetan, eta COVIDa duten 32 pertsona ZIUn daude. Bestalde, Osasun Sailak azaldutakoaren arabera, irailaren 27tik urriaren 3ra bitarte 14 pertsona hil dira COVIDaren eraginez.