Talde osoak batera joan behar zuen, 5,4 kilometro korrika, 24 kilometro bizikletan eta azkenik 2,7 kilometro korrika eginez. TTTkoek 1.13.53ko denbora egin zuten proba guztia osatzeko, eta bigarren izan ziren Moreno Team taldekoek 39 segundo gehiago behar izan zituzten. La V taldea izan zen hirugarren, 4.04ra.
AITOR REGILLAGA, BIGARREN
Durangoko Duatloia jokatu zen igandean, eta bertan Aitor Regillaga tolosarrak bigarren postua lortu zuen. Bost kilometro korrika, 20 kilometro bizikletan eta 2,5 kilometro korrika egin zituzten kirolariek eta Regillagak 55.07ko denbora egin zuen. Iker Ortiz de Zarate irabazlearengandik 23 segundora geratu zen tolosarra eta lau segundoko aldea atera zion hirugarrenari.
Tolosaldeko Triatloi Taldea irabazle, Eguesibarreko duatloian
Tolosaldeko Triatloi Taldeko kideek lehen postua lortu zuten Eguesibarreko taldekako duatloian, larunbatean. Garaipena lortu zuten kirolariak Iker Ezeiza, Asier Capa, Josu Goenaga, Gorka Sorarrain eta Beñat Azaldegi izan ziren.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!