TAK klubak sare sozialen bidez jakinarazi duenez, datorren denboraldian Euskotren Ligan lehiatuko den eskifaiaren ardura izango du Erostarbek.
Orain gutxi bukatu den denboraldian, Erostarbe bigarren entrenatzailea izan da, eta klubetik adierazi dutenez, Euskotren Ligara igoera lortzeko rol "oso garrantzitsua" izan du. Klubarentzat "konfiantza osoko pertsona" dela gaineratu dute.
Azken hiru urteetan Patxi Frances izan da Tolosaldea traineruko entrenatzailea eta datorren denboraldian aurkari izango da, Euskotren Ligako Orio taldearen entrenatzaile izango baita.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!