Irailaren 18an jokatu ziren Zarauzko Aritzbatalde kiroldegian bi txapelketak. 17 urtez azpiko txapelketan Eki Lizaso izan zen txapelduna. Lizasok bere marka hobetu zuen eta San Fernandon (Cadiz, Espainia), urriaren 23an, izango den 17 urtez azpiko Espainiako Txapelketan parte hartzeko prestatzen ari da. Allison Riverak bigarren postua lortu zuen junior txapelketan. Jon Kepa Kortajarenak lehen postua lortu zuen junior txapelketan, eta maila horretan Lizaso bigarren izan zen.
Datorren asteko larunbatean, urriaren 9an, Zarautzen, 17 urtez azpiko Euskadiko Txapelketa izango da eta bertan Eki Lizasok parte hartuko du. "Oporren ostean, gure gazte hauek gogotsu eta indarrez itzuli dira, eta pozik egoteko moduan gaude. Ea ba horrelaxe jarraitzen dugun", azaldu dute Danok Danena taldetik.