Getariara irteera antolatu du Saiaz mankomunitateak

Saiaz Gizarte Zerbitzuen Mankomunitateak emakumeentzat egunpasa antolatu du Getariara. Irteera urriaren 2an izango da, eta joan nahi dutenek hilaren 20a baino lehen eman beharko dute izena.

Saiaz Gizarte Zerbitzuen Mankomunitatea osatzen duten lau herrietako emakumeei zuzenduta Getariara irteera antolatu dute. Urriaren 2an, larunbatean, egingo dute egunpasa eta parte hartu nahi dutenek izena eman beharko dute hilaren 20a baino lehen.

10:00etan irtengo da autobusa, eta Albiztur, Bidania-Goiatz eta Albizturko plazetatik pasako da. Ondoren, Getariako Balentziaga museora joango dira, bertan bisita gidatua egiteko. 11:30ak aldera izango da museoko bisita, eta 14:00etan bazkaltzera joango dira. 15-20 euro inguruko menua jango dute. Bazkalostean, beriz, Getaria edo inguruko herrietan paseoa egingo lukete.

Bazkaria eta museoko sarrera emakume bakoitzak berea ordaindu beharko du.

Izena emateko saiaz@saiaz.eus helbide elektronikora idatzi edo 646 47 84 14 telefono zenbakira deituta eman beharko da.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!