Osasun Sailak emandako datuen arabera 4.318 test diagnostiko egin zituzten atzo, eta horietatik, 221 (%5,1) positiboak izan ziren. Gipuzkoan, 67 atzeman zituzten, tartean, 7 Tolosaldean: Asteasun, Ibarran eta Orendainen bina, eta Tolosan bat.
5.000 biztanle baino gehiago dituzten Tolosaldeko herrien kasuan, Amasa-Villabona (135,20) eta Tolosa (144,33) kolore horiz markatutako herrien artean daude. Osasun eremuei begiratuta, guztiak ere horiz markatuta ageri dira: Alegiakoa (282,95), Ibarrakoa (280,58), Tolosakoa (134,49) eta Villabonakoa (187,86), baita Tolosaldeko ESIa (202,33) ere.
Ospitaleen egoerari dagokionez, COVIDaren ondorioz 27 pertsona ospitaleratu ziren atzo, denera 181 pertsona daude ospitaleetan, eta COVIDa duten 58 pertsona ZIUn daude (atzo baino bat gehiago).