Osasun Sailak emandako datuen arabera, 5.646 test diagnostiko egin zituzten atzo, eta horietatik 234 (%4,1) positiboak izan ziren. Gipuzkoan 83 atzeman zituzten; horietatik bat bera ere ez Tolosaldean.
5.000 biztanle baino gehiago dituzten Tolosaldeko herrien kasuan, kolore horiarekin daude Amasa-Villabona (135,20ko tasarekin) eta Tolosa (175,26ekoarekin). Osasun eremuei dagokienez¡, eskualdekoa kolore horian dago (214,32); azpieskualdeka erreparatuz gero, Alegiak kolore laranjarekin jarraitzen du (312,73), eta Ibarrakoa (280,58), Amasa-Villabonakoa (200,39) eta Tolosakoa (153,71) kolore horian daude.
Ospitaleen egoerari dagokionez, COVID-19aren ondorioz 41 pertsona ospitaleratu ziren atzo (azken egunean baino zazpi gutxiago), denera 193 pertsona daude ospitaleetan, eta COVID-19a duten 57 pertsona ZIUn daude (atzo baino hiru gutxiago).