23 kilometroko distantzia 6 ordu eta 41 minutuko denboran egin zuen. Emakumezkoen mailan laugarren postua lortzeaz gain, sailkapen orokorrean 34. postua lortu zuen Amundarainek.
Lortutako emaitzarekin «oso gustura» dagoela esan du Amundarainek, bere helburu bakarra zeharkaldia bukatzea baitzen. Triple Corona bukatzea satisfazio handia suposatzen diola azaldu du, lau urte (iaz ez zen probarik egin) behar izan ditu-eta erronka burutzeko: «Horrelako erronka luze bati nik bakarrik aurre egiteak satisfazioa handia ematen dit. Orain atsedena behar dut, bai fisikoa baita psikologikoa ere».
Ioseba Mateos ibartarrak ere parte hartu zuen larunbateko proban, baina 7. kilometroan bertan behera utzi zuen. Arazo pertsonalak medio, horrelako proba gogor bat bukatzea baldintzatu zion.