Osasun Sailak emandako datuen arabera, 6.498 test diagnostiko egin zituzten atzo, eta horietatik 273 (%4,2) positiboak izan ziren. Gipuzkoan 99 atzeman zituzten, tartean 4 Tolosaldean; hiru Tolosan eta bat Ibarran.
5.000 biztanle baino gehiago dituzten Tolosaldeko herrien kasuan, horian daude biak; Amasa-Villabonak 185,91ko tasa du eta Tolosak 221,65ekoa. Osasun eremuei dagokienez¡, eskualdekoa kolore horian dago (241,29), eta azpieskualdeka Alegia kolore gorritik laranjara jaitsi da (357,41), eta Ibarrakoa (280,58), Villabonakoa (2731,70) eta Tolosakoa (196,94) horian.
Ospitaleen egoerari dagokionez, COVID-19aren ondorioz 48 pertsona ospitaleratu ziren atzo, eta COVID-19a duten 60 pertsona ZIUn daude. Osasun sailak, era berean, abuztuaren 30etik irailaren 5era bitarteko hildakoen kopurua eman du, eta esan du 24 hildako egon direla.