Etorkizuneko mailan, Gorka Ugartemendia atzelari alkizarrak eta Josu Igoa aurrelari nafarrak 11-22 irabazi zioten Oskoz-Santamaria bikote nafarrari. Ugartemendiari, gainera, txapelketan zehar dotoreziaz portatu den pilotariaren saria eman zioten.
Nagusien mailan, Unai Mata aurrelari nafarrarekin batera jokatu zuen Julen Aizpuru atzelari asteasuarrak, eta aurkari eskualdeko beste pilotari bat izan zuten: Aratz Irazustabarrena alegiarra. Azken honen bikotea Hodei Exposito aurrelari astigartarra izan zen. Mata-Aizpuruk 22-19 irabazi zioten Exposito-Irazustabarrenari. Finalean nabarmendutako pilotariaren saria jaso zuen Aizpuruk.
Argazkiak: ANTIGUAKO PILOTAZALEOK