Larunbatean jokatu zen Euskadiko Triatloi Esprint Txapelketa Zumaian. Tolosaldeko Triatloi Taldeko triatleta ugari bertaratu ziren, eta maila bikainean jardun ziren gainera. Triatletek 750 metro igeri, 20 km bizikletan eta 5 km korrika burutu behar izan zituzten.
Hiru podium lortu ziren guztira: Asier Mujika hirugarren izan zen maila absolutuan, Elur Urkolak ere postu bera lortu zuen jubenil mailan eta Pili Esnaola bigarren izan zen beterano mailan.
Asier Capa, Beñat Azaldegi, Edu Gonzalez, Julen Telleria eta Alar Sevillano ere aritu ziren absolutu mailan lan txukuna eginaz. Bestetik, Elur Urkolarekin batera, Asier Tejeria eta Iker Otamendi gazteak aritu ziren. "Zein poza geroz eta gazte gehiago taldean izatea", azaldu dute Tolosaldeko Triatloi Taldetik.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!