Osasun sailak emandako datuen arabera 5.668 test diagnostiko egin zituzten atzo, eta horietatik, 346 (%6,1) positiboak izan ziren. Gipuzkoan, 112 atzeman zituzten, tartean, 4 Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (270) eta Tolosa (252) kolore horian daude. Osasun eremuei begiratuta, Alegiakoa (625) kolore gorrian dago, Villabonakoa (300) kolore laranjan, eta Ibarrakoa (267) eta Tolosakoa (216) kolore horian. Tolosaldeko ESIa (292) kolore horian dago.
Ospitaleen egoerari dagokionez, COVIDaren ondorioz 40 pertsona ospitaleratu ziren atzo, denera 207 pertsona daude ospitaleetan, eta COVID-19a duten 71 pertsona ZIUn daude.
Txertatzeko gunea orain Ferialekuan
Tolosako Udalak jakinarazi duenez astelehenetik aurrera COVID-19aren aurkako txertoak jartzeko gunea Beotibar pilotalekutik Ferialekura lekualdatuko dute. Udalak Ferialekua Osakidetzaren esku utzi du txertaketa kanpaina bertan gauzatzeko.
Astelehenetik aurrera, hortaz, koronabirusaren aurkako txertaketak Ferialekuan egingo dira, eta orain arte bezala, hitzorduarekin joan beharko da.