Osasun sailak emandako datuen arabera 5.930 test diagnostiko egin zituzten atzo, eta horietatik, 397 (%6,7) positiboak izan ziren. Gipuzkoan, 136 atzeman zituzten, tartean, 13 Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (270) eta Tolosa (273) kolore horian daude. Osasun eremuei begiratuta, Alegiakoa (655) kolore gorrian dago, Villabonakoa (313) kolore laranjan, eta Ibarrakoa (267) eta Tolosakoa (235) kolore horian. Tolosaldeko ESIa (299) kolore horira pasa da.
Ospitaleen egoerari dagokionez, COVIDaren ondorioz 37 pertsona ospitaleratu ziren atzo, denera 198 pertsona daude ospitaleetan, eta COVID-19a duten 73 pertsona ZIUn daude.
Egunotan txertatzeko gune handiak itxiko dituztela jakinarazi du Osasun sailak, eta Tolosari dagokionez, Beotibar frontoitik Ferialekura aldatuko dute txertatzeko gunea, irailaren 6tik aurrera.