Caixabank Masters txapelketa sailkapen faseko azken-aurreko jardunaldia dago jokoan, eta dagoeneko bikote bat aukerarik gabe geratu da aurrera egiteko: Jaka lizartzarra eta Tolosa anoetarra, hain justu, eskualdeko pilotariez osatutako bikotea. Elezkano II.a ordezkatuz jokatu zuen Victorrek eta Mariezkurrenak irabazi zieten markagailu estuarekin, baina eskualdeko pilotariek partidan zehar beti atzetik aritu ziren. Sei jardunalditan partida bakarra irabazi dute Jakak eta Tolosak.
Bere aldetik, Altuna III.a amezketarrak ez du jokatu jardunaldi honetan eta bere ordez aritu da Laso. Arangurenekin batera 15-22 irabazi diote Urrutikoetxea eta Bikuñari eta laugarren garaipena lortuz, bigarren postuan daude oraingoz Altuna III.a eta Aranguren.
Eskualdeko beste pilotariak, Peña II.a tolosarrak, bihar jokatuko du seigarren jardunaldiko partida. Rezusta atzea duela, tolosarrak Ezkurdia eta Imaz bikotearen aurka jokatu du Elgoibarko Ikastola frontoian. Irabazten badute, ziurtatuta izango dute zuzenean finalerdietara pasatzea.