Osasun Sailak emandako datuen arabera 7.268 test diagnostiko egin zituzten atzo, eta horietatik 702 (%9,7) positiboak izan ziren. Gipuzkoan 153 atzeman zituzten, tartean, 11 Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (659) kolore gorrian dago eta Tolosa (345) berriro kolore laranjan. Osasun eremuei dagokienez bi kolore gorrian daude: Alegiakoak 596ko tasa du eta Villabonakoak 601koa. Ibarra (395) eta Tolosa (317) kolore laranjan daude. Tolosaldeko ESIa kolore gorrian dago 429ko tasarekin.
Ospitaleen egoerari dagokionez, COVIDaren ondorioz 34 pertsona ospitaleratu ziren atzo, denera 241 pertsona daude ospitaleetan, eta COVIDa duten 78 pertsona ZIUn daude.
Adinekoen egoitzetan, berriz, Villabonako Santiago egoitzan 7 egoiliar positibo aktibo jarraitzen dutela eta Zizurkilgo Fraisoro egoitzan 2 egoiliar positibo aktibo eta hildako bat egon dela jakinarazi du Gipuzkoako Foru Aldundiak.