Gaur goizeko 8:00etan hasita, ostiral iluntzera arte itxita egongo da Ugare auzora doan errepidea ibilgailuentzat, tren geltokitik tunelera bitarteko zati osoan zehar. Zizurkilgo Udalak jakinarazi duenez, Asteasu erreka garbituko dute paper fabrikako presatik tunela bitarte, eta errepidetan makinaria jarriko da hiru egun hauetan.
Bide hori bi norabideetan Ugareko auzotarrek soilik erabili ahalko dutela esan du udalak, eta auzotik irteteko Villabonatik, Sacengo zubitik egin ahal izango dute.