Osasun Sailak emandako datuen arabera 7.361 test diagnostiko egin zituzten atzo, eta horietatik 748 (%10,2) positiboak izan ziren. Gipuzkoan 207 atzeman zituzten, tartean, 12 Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (710) kolore gorrian dago eta Tolosa (407) dagoeneko, kolore gorrian sartu da. Osasun eremuei dagokienez hiru kolore gorrian daude: Alegiakoak 566ko tasa du, Ibarrakoak 510ekoa eta Villabonakoak 632koa. Tolosakoa kolore laranjan dago, 375eko tasarekin. Tolosaldeko ESIa kolore gorrian dago 474ko tasarekin.
Ospitaleen egoerari dagokionez, COVIDaren ondorioz 50 pertsona ospitaleratu ziren atzo, denera 256 pertsona daude ospitaleetan, eta COVIDa duten 75 pertsona ZIUn daude.
Adinekoen egoitzetan, berriz, Villabonako Santiago egoitzan 7 egoiliar positibo aktibo eta Zizurkilgo Fraisoro egoitzan 3 egoiliar positibo aktibo jarraitzen dutela jakinarazi du Gipuzkoako Foru Aldundiak.