Osasun Sailaren datuen arabera 5.037 test diagnostiko egin zituzten atzo, eta horietatik 544 positiboak izan ziren (%10,8). Tolosaldean 14 atzeman zituzten: Alegian 6, Zizurkilen 3, eta bana Alkiza, Belauntza, Ibarra, Irura eta Tolosan.
Herenegun, larunbatean, 5.086 test diagnostiko egin zituzten, eta horietatik 581 positiboak izan ziren (%11,4). Tolosaldean 11 izan ziren positiboak: Tolosan 4, Iruran 3 eta Ibarra eta Amasa-Villabonan bina. Ostiralean 6.468 test diagnostiko egin zituzten, eta horietatik 756 positiboak izan ziren (%11,7). Tolosaldean 16 izan ziren positiboak: Tolosan 6, Amasa-Villabonan 3, Lizartzan eta Zizurkilen bina, eta bana Baliarrain, Elduain eta Leaburu-Txaraman.
5.000 biztanle baino gehiago dituzten Tolosaldeko herrien kasuan, Amasa-Villabona kolore gorrian dago (997) eta Tolosa kolore laranjan (392). Osasun eremuei begiratuta, Alegiakoa (596), Ibarrakoa (574) eta Villabonakoa (789) kolore gorrian daude, eta Tolosakoa (375) kolore laranjan. Tolosaldeko ESIa (510) kolore gorrian dago.
Ospitaleen egoerari dagokionez, COVIDaren ondorioz 34 pertsona ospitaleratu zituzten atzo, denera 281 pertsona daude ospitaletan, eta COVIDa duten 72 pertsona ZIUn daude.