Donostia Arraun Lagunakek bere historiako lehen Euskotren Ligako garaikurra eskuratu du, sailkapen nagusian Oriorekin 39 puntura berdinduta. Donostiarrek sei garaipen erdietsi dituzte, eta oriotarrek bost, honenbestez, berdinketa Gipuzkoako hiriburuko taldearentzat da. Zarauzko XIII. Banderaren bigarren jardunaldiari dagokionez, Orio Orialki-k lehen jardunaldiko garaipena errepikatu du eta Zarauzko uretan bandera lortuz amaitu du denboraldia.
Hondarribia Bertako Igogailuak hirugarren izan da gaur, baina laugarren postuan amaitu du denboraldia 18 punturekin eta igoera fasean lehiatu beharko du datorren denboraldian Euskotren Ligan aritzeko sailkapenaren bila. Azkenik, Donostiarra Lacturale gaur laugarren postuan sailkatu arren, sailkapen nagusian hirugarren izan da 24 punturekin.