ETE ligako 11. jardunaldia jokatu zen atzo Ondarroan, eta Tolosaldeak beste garaipen bat eskuratu zuen, zazpigarrena.
Hain justu, XXXVII. Ondarroako Bandera - 100 urte Aurrera Sari Nagusia izan zen jokoan, eta Tolosaldeko arraunlariek 11:15eko denborarekin lehen postuan amaitu zuten. Bigarren postuan sailkatu zen Deusto 11:18ko denbora eginez. Hirugarren Hibaika izan zen 11:27rekin; laugarren, Ondarroa, 11:43rekin; bosgarren Delteco 11:51rekin eta seigarren San Juan 12:00eko denbora eginez.
Tolosaldeak 11 puntuak eskuratuta, eta lau jardunaldiren faltan, geroz eta gertuago du ETE ligako txapeldun postua. Horixe da, hain justu Tolosaldeko arraunlarien helburua, iazko lorpena errepikatu ahal izatea.
Hurrengo jardunaldia Zarautzen izango da, datorren larunbatean, Zarautz Arraun Elkartearen Emakumeen I. Bandera.