III Errenteria Hiria Emakumeen Traineru Elkarte banderan bigarren postua eskuratu du Tolosaldeak, 11:02ko denborarekin. Hibaika izan da irabazlea, 10:56ko denbora eginez. Hirugarren, Deustu sailkatu da, 11:05eko denborarekin eta laugarren Delteco 11:12ko denborarekin.
Gaurko bigarren postuarekin, Tolosaldeak lehen postuan jarraitzen du ETE ligan, 96 punturekin. Eskualdeko arraunlariek zazpi garaipen eskuratu dituzte. Bigarren postuan 88 punturekin gaur hirugarren egin duen Deustu dago, eta hirugarren postuan, 83 punturekin gaurko irabazlea izan den Hibaika.
Hurrengo jardunaldia larunbat eguerdian izango dute eskualdekoek, XXXVII. Ondarroako Bandera, hain zuzen.