Urrakitik barrena, Bidania-Goiatzera iritsi da Donostiako Klasikoa. Handik, Tolosa zeharkatu eta Anoetatik barrena, Alkizara igo dira txirrindulariak. Asteasu aldera jaitsi dira eta Zizurkil gurutzatu ondoren, Adunatik pasa eta Andoainera iritsi dira. Kostarako bidea egin dute jarraian.
Donostia Klasikoak bere sare sozialetan zabaldu duenez, lasterketa Goiaztik pasatzear zela, hil berri den Iñaki Lopetegi argazkilari tolosarra omendu dute Goiatzen. Bere semeari lore sorta bat eskaini diote eta elkarrekin ikusi dituzte txirrindulariak lasterketan pasatzen. Lopetegi urte askoan Donostiako Klasikoan lanean aritutako zen, kamerari moduan, eta baita beste hainbat txirrindulari probetan ere.
Homenaje a Inaki Lopetegi, mítico cámara de la Klasikoa y de la @ehitzulia
— Donostiako Klasikoa (@dklasikoa) July 31, 2021
Beti gogoratuko zaitugu‼️#Klasikoa pic.twitter.com/1vizOVnkbC