Asteazkenean jokatu ziren gizonezkoen eta emakumezkoen Euskal Herriko Traineru Txapelketak, Lekeition. Gizonezkoetan, Hondarribia Arraun Elkartea izan zen azkarrena; emakumezkoetan, Arraun Lagunak. Eskualdeko hiru arraunlarik lortu zuten garaipena: Jon Lizarralde tolosarrak, Ane Sanchez anoetarrak eta Maider Zumeta ibartarrak. Tolosaldea trainerua seigarren sailkatu zen.
Euskal Herriko Txapelketan bere maila onena ematerik izan ez bazuen ere, Tolosaldea traineruak garaipena eskuratu zuen, igandean, Pedreñan jokatutako ETE Ligako proban. Ez zen estropada puntuagarria izan, baina 20 segundoko aldearekin irabazi zuten.
