Osasun Sailak emandako datuen arabera, 7.927 test diagnostiko egin zituzten atzo, eta horietatik, 1.010 (%12,4) positiboak izan ziren. Tolosaldean, 39 (Tolosan 16, Amasa-Villabonan 6, Baliarrainen 4, Alkizan eta Asteasun 3na, Adunan eta Ibarran 2na eta Altzon, Lizartzan eta Zizurkilen bana) atzeman zituzten.
Larunbatean, 8.890 test egin ostean, 1.011 (%11,4) positibo izan ziren. Tolosaldean, 26 (Tolosan 12, Berrobin 5, Ibarran 2 eta Altzon, Anoetan, Asteasun, Berastegin, Iruran, Amasa-Villabonan eta Zizurkilen bana) izan ziren. Ostiralean, berriz, 11.270 test egin zituzten eta 1.177 (%10,4) izan ziren positiboak. Tolosaldearen kasuan, 36 (Tolosan 20, Anoetan eta Asteasun bina eta Alegian, Albizturren, Alkizan, Altzon, Berastegin, Bidania-Goiatzen, Ibarran, Iruran, Larraulen, Leaburu-Txaraman, Amasa-Villabonan eta Zizurkilen bana) atzeman zituzten.
5.000 biztanle baino gehiago dituzten Tolosaldeko herrien kasuan, Amasa-Villabona (1.132) eta Tolosa (1.020) kolore gorrian daude. Osasun eremuei begiratuta, Alegiakoa (655), Ibarrakoa (637), Tolosakoa (946) eta Villabonakoa (1.177) kolore gorrian daude. Tolosaldeko ESIa (804) ere kolore gorrian dago.
Ospitaleen egoerari dagokionez, COVIDaren ondorioz 36 pertsona ospitaleratu zituzten atzo, denera 164 pertsona daude ospitaletan, eta COVIDa duten 42 pertsona ZIUn daude.