Osasun sailak emandako datuen arabera, 8.984 test diagnostiko egin zituzten atzo, eta horietatik, 609 (%6,8) positiboak izan ziren. Gipuzkoan, 257 atzeman zituzten, tartean, 28 Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (169) kolore horian dago eta Tolosa (350) kolore laranjara igaro da. Osasun eremuei dagokienez, Alegiakoa (163), Ibarrakoa (216) eta Villabonakoa (169) kolore horian daude eta Tolosakoa (326) laranjan. Tolosaldeko ESIa (214) horian dago.
Ospitaleen egoerari dagokionez, COVIDaren ondorioz 19 pertsona ospitaleratu zituzten atzo, denera, 51 pertsona daude ospitaleetan, eta COVIDa duten 25 pertsona ZIUn daude. Bestalde, ekainaren 28tik uztailaren 4ra COVIDaren ondorioz 6 pertsona hil direla adierazi du Osasun sailak.