Osasun sailak emandako datuen arabera, 7.516 test diagnostiko egin zituzten atzo, eta horietatik, 388 (%5,2) positiboak izan ziren. Gipuzkoan, 165 atzeman zituzten, tartean, bederatzi Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (67) eta Tolosa (77) kolore horian daude. Osasun eremuei begiratuta, Alegiakoa (74), Ibarrakoa (89), Tolosakoa (72) eta Villabonakoa (62) kolore horian daude. Tolosaldeko ESIa (70) ere horian dago.
Ospitaleen egoera dela eta, COVIDaren ondorioz 20 pertsona ospitaleratu zituzten atzo, denera 62 pertsona daude ospitaleetan, eta COVIDa duten 32 pertsona ZIUn daude.