Osasun sailak emandako datuen arabera, 7.262 test diagnostiko egin zituzten atzo, eta horietatik, 303 (%4,2) positiboak izan ziren. Gipuzkoan, 132 atzeman zituzten, tartean, Tolosaldean bakarra.
5.000 biztanle baino gehiago dituzten Tolosaldeko herrien kasuan, Amasa-Villabona (67) eta Tolosa (61) kolore horian daude. Osasun eremuei begiratuta, Alegiakoa (59), Tolosakoa (57) eta Villabonakoa (56) kolore berdean daude, eta Ibarrakoa (102) horian. Tolosaldeko ESIa (59) kolore berdean dago.
Ospitaleen egoerari dagokionez, COVIDaren ondorioz 17 pertsona ospitaleratu zituzten atzo, denera 63 pertsona daude ospitaleetan, eta COVIDa duten 33 pertsona ZIUn daude.
Bestalde, ekainaren 21tik 27ra bitarte, COVIDaren ondorioz 4 pertsona hil zirela adierazi du Osasun sailak.