Osasun sailak emandako datuen arabera, 6.716 test diagnostiko egin zituzten atzo, eta horietatik 187 (%2,8) positiboak izan ziren. Gipuzkoan, 70 positibo atzeman zituzten, tartean, 4 Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (50) kolore berdean dago eta Tolosa (144) horian. Osasun eremuei begiratuta, Villabonakoa (56) berdean dago, eta Alegiakoa (89), Ibarrakoa (140) eta Tolosakoa (129) horian daude. Tolosalde ESIa (85) horian dago.
Ospitaleen egoerari dagokionez, COVIDaren ondorioz 18 pertsona ospitaleratu zituzten atzo, denera 68 pertsona daude ospitaleetan, eta COVIDa duten 40 pertsona ZIUn daude. Bestalde, ekainaren 14tik 20ra bitarte COVIDaren eraginez 3 pertsona hil direla adierazi du Osasun sailak.