Osasun sailak emandako datuen arabera, 7.492 test diagnostiko egin zituzten atzo, eta horietatik 146 (%1,9) positiboak izan ziren. Gipuzkoan, 31 positibo atzeman zituzten, tartean, 4 Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (50) kolore berdean dago eta Tolosa (144) horian. Osasun eremuei begiratuta, Villabonakoa (56) berdean dago, eta Alegiakoa (89), Ibarrakoa (165) eta Tolosakoa (139) horian daude. Tolosalde ESIa (91) horian dago.
Ospitaleen egoerari dagokionez, COVIDaren ondorioz 23 pertsona ospitaleratu zituzten atzo, denera 66 pertsona daude ospitaleetan, eta COVIDa duten 45 pertsona ZIUn daude.