ETE ligako bigarren estropada egin zen atzo goizean Getariako uretan. Tolosaldea trainerua larunbatean etxeko bandera lortzetik zetorren, eta bigarrenaren bila joan ziren arraunlariak. Oraingo honetan, baina, Deusto trainerua bizkorrago aritu zen, beraien lehen bandera lortuz.
Deustok 10.38,63eko denbora egin zuen, eta Tolosaldeak bost segundo gehiago behar izan zituen, 10.43,96eko denbora eginez. Hirugarren Hibaika izan zen, 10.50,43eko denborarekin. Bigarren estropadaren ondoren, beraz, Deusto eta Tolosaldea daude ligaren sailkapeneko lehen postuan, bakoitza 21 punturekin. Ondoren Hibaikak 17 puntu ditu eta San Juan dago laugarren postuan 15 punturekin.