Alegiak gaur arratsaldean jokatuko du, 19:00etan hasita, Oiartzungo Madalensoro pilotalekuan, itzulerako jardunaldia. Oso zaila du kanporaketari buelta ematea, etxean 0-3 galdu eta gero: 0-22, 16-22, 5-22. Beste finalista Azpeitia eta Astigarraga artean erabakiko da; Azpeitia doa irabazten 2-1.
Gomazko paletaz, Tolosa ere egoera berean dago. Azkoitiaren aurka 3-0 galdu zuen joaneko jardunaldian: 20-6, 20-8, 20-15. Bihar jokatuko dituzte itzulerako partidak, Tolosa etxeko talde bezala, Irurako udal pilotalekuan, 17:00etatik hasita. Beste finalista erabakita dago: Donostia izango da, Zarautzek txapelketa utzi behar izan baitu.