Osasun sailak emandako datuen arabera, 6.196 test diagnostiko egin zituzten atzo, eta horietatik, 165 (%2,7) positiboak izan ziren. Gipuzkoan, 35 atzeman zituzten, tartean, lau Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (83) eta Tolosa (195) horian daude. Osasun eremuei dagokienez, Alegiakoa (74), Tolosakoa (192) eta Villabonakoa (81) horian daude, eta Ibarrakoa (306) laranjan. Tolosaldeko ESIa (131) horian dago.
Ospitaleen egoerari dagokionez, COVIDaren ondorioz 19 pertsona ospitaleratu zituzten atzo, denera 71 pertsona daude ospitaleetan, eta COVIDa duten 51 pertsona ZIUn daude.