Osasun sailak emandako datuen arabera, 7.236 test diagnostiko egin zituzten atzo, eta horietatik, 146 (%2,0) positiboak izan ziren. Gipuzkoan, 35 atzeman zituzten, tartean, bat Tolosaldean.
5.000 biztanle baino gehiago dituzten Tolosaldeko herrien kasuan, Amasa-Villabona (135) eta Tolosa (216) kolore horian daude. Osasun eremuei dagokienez, Alegiakoa (44) berdean dago, Tolosakoa (211) eta Villabonakoa (112) horian daude eta Ibarrakoa (420), gorrian dago. Tolosaldeko ESIa (166) kolore horian dago.
Ospitaleen egoerari dagokionez, COVIDaren ondorioz 23 pertsona ospitaleratu zituzten atzo, denera, 84 pertsona daude ospitaleetan, eta COVIDa duten 54 pertsona ZIUn daude. Bestalde, ekainaren 7tik 13ra bitarte, COVIDaren ondorioz 9 pertsona hil direla adierazi du Osasun sailak.