Osasun sailak emandako datuen arabera, 4.728 test diagnostiko egin zituzten, eta horietatik, 125 (%2,6) positiboak izan ziren. Tolosaldean, zazpi (Ibarran 3 eta Amasa-Villabonan eta Tolosan 2na) atzeman zituzten.
Larunbatean, 5.261 test eginda, 203 (%3,9) positiboak izan ziren. Tolosaldean, hiru (Adunan, Amasa-Villabonan eta Tolosan bana) atzeman zituzten. Ostiralean, berriz, 7.128 test egin zituzten, eta 199 (%2,8) izan ziren positiboak. Tolosaldean, lau (Tolosan 3 eta Berastegin 1) atzeman zituzten.
5.000 biztanle baino gehiago dituzten Tolosaldeko herrien kasuan, Amasa-Villabona (185) eta Tolosa (278) kolore horian daude. Osasun eremuei dagokienez, Alegiakoa (44) kolore berdean dago, Tolosakoa (268) eta Villabonakoa (144) horian daude eta Ibarrakoa (510) gorrian. Tolosaldeko ESIa (205) horian dago.
Ospitaleen egoerari dagokionez, COVIDaren ondorioz 16 pertsona ospitaleratu zituzten atzo, denera, 97 pertsona daude ospitaleetan, eta COVIDa duten 60 pertsona ZIUn daude.