Tolosaldeko mendi maratoiaren aurtengo berrikuntza streaming emanaldia izango da, 09:00etatik aurrera zuzenean jarraitzeko aukera egongo da jende ugariren parte hartzearekin.
Streaming berezi honetan, azken urteetan Euskal Herrian izan diren bi korrikalari onenetakoak izango dira, Ion Azpiroz berastegiarra eta Iker Karrera amezketarra. Baina ez dira bakarrak izango, bertan izango dira, besteak beste, Xabier Orbegozo Arria V-a eta Iñaki Arratibel medikua.
Emanaldi berezi hau AUPA TV-ren eskutik egingo dute eta zortzi kamera eta hiru drone erabiliko dituzte.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?