Sega ligako bigarrena, Altzon

Tolosaldeko Ataria 2021ko eka. 10a, 13:55
Zaldibian egin zen sega ligaren lehen saioa. AIMAR MAIZ/GOIERRIKO HITZA

Almitza Sega Elkarteak antolatzen duen Euskal Herriko bakarkako sega txapelketaren bigarren saioa igande honetan izango da, Altzon, 11:30ean hasita. COVID-19aren inguruko neurriak direla eta, ikuslerik ez da egongo.

Lehenengo saioa Zaldibian egin zen, aurreko larunbatean, eta emakumezkoetan Alaitz Imaz hernialdetarra eta Ainara Otamendi ibartarra izan ziren lehen biak. Zazpi segundogatik geratu zen lehen postuan Imaz. Jugatx Agirre berastegiarra bosgarren izan zen. Horiez gain, Altzon Amets Otegi gazteluarrak parte hartuko du.

Gizonezkoetan Mikel Lizartza tolosarra bosgarren izan zen, Amaiur Arrospide leaburuarra seigarren eta Jokin Garmendia anoetarra bederatzigarren. Gizon gazteetan, Arkaitz Gabirondo gazteluarra dago lehen postuan eta Iñigo Etxabe belauntzarra laugarrena da. Mutil gazteetan Auritz Alkorta asteasuarra dago lehen postuan. Neska gaztetxoetan Izadi Arrospide leaburuarra lehen postuan dago sailkatuta eta hirugarren doa Mireia Larreta leaburuarra.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!