Koronabirusa

Sei positibo berri izan dira azken egunean

Tolosan lau eta Ibarran eta Lizartzan positibo bana atzeman dituzte.

Osasun sailak  emandako datuen arabera, 7.620 test diagnostiko egin zituzten atzo, eta horietatik, 238 (%3,1) positiboak izan ziren. Gipuzkoan, 76 atzeman zituzten, tartean, 6 Tolosaldean.

5.000 biztanle baino gehiago dituzten Tolosaldeko herrietan, Tolosa 340ko tasarekin kolore laranjan dago eta Amasa-Villabona 219ko tasarekin horian. Osasun eremuei begiratuta, Alegiakoa (59) berdean, Villabonakoa (187) horian, Tolosakoa (331) laranjan eta Ibarrakoa (510) gorrian. Tolosaldeko ESIa (253) horian dago.

Ospitaleen egoerari dagokionez, COVIDaren ondorioz 24 pertsona ospitaleratu zituzten atzo, denera 108 pertsona daude ospitaleetan, eta COVIDa duten 77 pertsona ZIUn daude.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!