Koronabirusa

Zortzi positibo izan dira azken egunean

Ibarran hiru, Tolosan bi eta Anoetan, Asteasun eta Iruran positibo bana atzeman dituzte.

Osasun sailak emandako datuen arabera, 7.564 test diagnostiko egin zituzten atzo, eta horietatik, 254 (%3,4) positiboak izan ziren. Gipuzkoan, 61 atzeman zituzten, tartean, zortzi Tolosaldean.

5.000 biztanle baino gehiago dituzten Tolosaldeko herrien kasuan, Tolosa (350) kolore laranjan dago eta Amasa-Villabonak (236) horian jarraitzen du. Osasun eremuei begiratuta, Alegiakoa (163) eta Villabonakoa (219) horian daude, Tolosakoa (336) laranjan eta Ibarrakoa (522) gorrian dago. Tolosaldeko ESI (274) horian dago.

Ospitaleen egoerari dagokionez, COVIDaren ondorioz 25 pertsona ospitaleratu zituzten atzo, denera, 121 pertsona daude ospitaleetan, eta COVIDa duten 80 pertsona ZIUn daude.

Bestalde, maiatzaren 31tik ekainaren 6ra bitarte, COVIDaren eraginez 14 pertsona hil direla adierazi du Osasun sailak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!