Osasun sailak emandako datuen arabera, 8.454 test diagnostiko egin zituzten atzo, eta horietatik, 201 (%2,4) positiboak izan ziren. Gipuzkoan, 70 atzeman zituzten, tartean, 9 Tolosaldean.
5.000 biztanle baino gehiagoko eskualdeko herrien kasuan, Tolosa kolore laranjara pasa da, 386ko tasarekin, eta Amasa-Villabonak horian jarraitzen du, 253ko tasarekin. Osasun eremuei begiratuta, Alegiakoa (253) eta Villabonakoa (231) horian daude, Tolosakoa (369) laranjan eta Ibarrakoa (599) gorrian. Tolosaldeko ESIa (308) laranjan dago.
Ospitaleen egoerari dagokionez, COVIDaren ondorioz 32 pertsona ospitaleratu zituzten atzo, denera, 127 pertsona daude ospitaleetan, eta COVIDa duten 84 pertsona ZIUn daude.