Osasun sailak emandako datuen arabera, 5.169 test diagnostiko egin zituzten atzo, eta horietatik, 181 (%3,5) positiboak izan ziren. Tolosaldean, 7 (Berastegin 5 eta Tolosan 2) atzeman zituzten.
Larunbatean, 6.220 test eginda, 205 (%3,3) positibo izan ziren. Tolosaldean, 7 (Tolosan 3, Berastegin 2 eta Anoetan, eta Amasa-Villabonan bana) atzeman zituzten. Ostiralean, berriz, 8.105 test egin ostean, 287 (%3,5) positibo izan ziren. Tolosaldean, 9 (Tolosan 3 eta Alkizan, Berastegin, Elduainen, Ibarran, Iruran eta Amasa-Villabonan bana) atzeman zituzten.
5.000 biztanle baino gehiago dituzten Tolosaldeko herrien kasuan, Tolosa kolore gorrian dago, 402ko tasarekin eta Amasa-Villabona horian, 253ko tasarekin.
Osasun eremuei begiratuta, Ibarrakoa gorrian (624) dago, Tolosakoa laranjan (379) eta Alegiakoa (268) eta Villabonakoa (225) horian daude. Tolosaldeko ESIa (316) laranjan dago
Ospitaleen egoerari dagokionez, COVIDaren ondorioz 17 pertsona ospitaleratu zituzten atzo, denera, 140 pertsona daude ospitaleetan, eta COVIDa duten 84 pertsona ZIUn daude.