Osasun sailak emandako datuen arabera, 7.864 test diagnostiko egin zituzten atzo, eta horietatik, 325 (%4,1) positiboak izan ziren. Gipuzkoan, 118 atzeman zituzten, tartean, 12 Tolosaldean.
5.000 biztanle baino gehiago dituzten Tolosaldeko herriei dagokienez, Tolosa eremu gorritik irten da, 396ko tasarekin, eta Amasa-Villabonak horian jarraitzen du, 287ko tasarekin. Osasun eremuei dagokienez, Alegiakoa (268) eta Villabonakoa (288) horian daude, Tolosakoa (379) laranjan eta Ibarrakoa (599) gorrian. Tolosaldeko ESIa (329) laranjan dago.
Ospitaleen egoerari begiratuta, COVIDaren ondorioz 32 pertsona ospitaleratu zituzten atzo, denera, 155 pertsona daude ospitaleetan, eta COVIDa duten 83 pertsona ZIUn daude.