Osasun sailak emandako datuen arabera, 9.070 test diagnostiko egin zituzten atzo, eta, horietatik, 301 (%3,3) positiboak izan ziren. Gipuzkoan, 99 atzeman zituzten, tartean, 13 Tolosaldean.
5.000 biztanle baino gehiagoko Tolosaldeko herrien kasuan, Tolosak gorrian jarraitzen du, 422ko tasarekin, eta Amasa-Villabonak horian, 270ko tasarekin. Osasun eremuei begiratuta, Alegiakoa (268) eta Villabonakoa (294) horian daude, eta Ibarrakoa (573) eta Tolosakoa (403) gorrian. Tolosaldeko ESIa (334) laranjan dago.
Ospitaleen egoerari dagokionez, COVIDaren ondorioz 39 pertsona ospitaleratu zituzten atzo, denera 161 pertsona daude ospitaleetan, eta COVIDa duten 91 pertsona ZIUn daude.