Astebete atzeratu dute buruz buruko finala Iñaki Artolaren lesio bat dela eta. Aurrelaria osatuko ez balitz hirugarren eta laugarren posturako partidako irabazleak ordezkatuko luke, hau da Rezustak edo Zabaletak. Igandean izango da partida hori.
Iñaki Artolak zuntz-haustura duela eskapula azpian esan du Berria egunkariak eta horregatik erabaki dute finala astebetez atzeratzea. Baiko enpresak eskatu du finala atzeratzea eta Eskuz Pilotako Enpresen Ligak onartu du. Beñat Rezustaren aurkako partidan hartu zuen min. Jokatzen jarraitu zuen eta partida amaieran mina areagotu zitzaion. Ordutik probak egiten aritu da.