Osasun sailak emandako datuen arabera, 8.396 test diagnostiko egin zituzten atzo, eta horietatik, 338 (%4,0) positiboak izan ziren. Gipuzkoan, 110 positibo atzeman zituzten, tartean, 13 Tolosaldean.
5.000 biztanle baino gehiago dituzten herrien kasuan, Tolosak gorrian jarraitzen du, 412ko tasarekin eta Amasa-Villabona horian dago, 253ko tasarekin. Osasun eremuei begiratuta, Alegiakoa (268) eta Villabonakoa (294) horian daude, Tolosakoa (389) laranjan eta Ibarrakoa (548) gorrian. Tolosaldeko ESIa (323) laranjan dago.
Ospitaleen egoerari dagokionez, COVIDaren ondorioz 45 pertsona ospitaleratu zituzten atzo, denera, 164 pertsona daude ospitaleetan, eta COVIDa duten 89 pertsona ZIUn daude.
Bestalde, maiatzaren 24tik 30ra bitarte, COVIDaren ondorioz, 21 pertsona hil direla adierazi du Osasun sailak.