Osasun sailak emandako datuen arabera, 5.617 test diagnostiko egin zituzten atzo, eta horietatik, 251 (%4,5) positiboak izan ziren. Tolosaldean, 8 (Tolosan 5, Amasa-Villabonan 2 eta Anoetan 1) atzeman zituzten.
Larunbatean 6.008 test eginda, 306 (%5,1) positibo atzeman zituzten. Tolosaldean, 4 (Ibarran eta Tolosan bina) izan ziren. Ostiralean, berriz, 7.708 test egin zituzten, eta horietatik, 390 (%5,1) positiboak izan ziren. Tolosaldean, 16 (Tolosan 11 eta Anoetan, Ibarran, Iruran, Amasa-Villabonan eta Zizurkilen bana) atzeman zituzten.
Osasun eremuei dagokienez, Alegiakoa (238) eta Villabonakoa (275) horian daude, eta Ibarrakoa (446) eta Tolosakoa 403) gorrian. Tolosaldeko ESI kolore laranjan dago 305eko tasarekin.
Ospitaleen egoerari dagokionez, COVIDaren ondorioz 31 pertsona ospitaleratu zituzten atzo, denera, 162 pertsona daude eta COVIDa duten 97 pertsona ZIUn daude.